Një tërmet me magnitudë 6.1 ballë të shkallës Rihter ka shkaktuar shqetësim në kampin e Kombëtarja e Anglisë në SHBA, vetëm pak kohë para ndeshjes miqësore kundër Kosta Rika.
Sipas raportimeve të mediave britanike, lëkundjet janë ndjerë në Florida, ku skuadra e drejtuar nga Thomas Tuchel po zhvillon përgatitjet për Kupa e Botës FIFA 2026.
Epiqendra e tërmetit ndodhej në perëndim të Kubës, ndërsa lëkundjet u ndjenë në disa zona të Floridës, përfshirë rajonin ku është akomoduar përfaqësuesja angleze.
Sipas raportimeve, bëhet fjalë për tërmetin më të fuqishëm në zonën e Gjirit të Meksikës në afro 150 vjet. Autoritetet lokale kanë raportuar evakuime të përkohshme dhe panik te qytetarët, por pa viktima apo dëme të mëdha materiale.
Po ashtu, nuk është lëshuar asnjë paralajmërim për cunami.
Kombëtarja angleze ndodhet në Florida që nga fillimi i muajit qershor dhe pas ndeshjes ndaj Kosta Rikës do të zhvendoset në Kansas City për fazën finale të përgatitjeve para Kupës së Botës 2026.
