Shqipëria shënoi një arritje të jashtëzakonshme në Lojërat Olimpike, duke fituar medaljen e dytë në histori. Islam Dudaev, një mundës çeçen që përfaqëson Shqipërinë, triumfoi në finalen për medaljen e bronztë në kategorinë deri në 65 kg, duke mposhtur rusin që përfaqëson Hungarinë, Ismail Musukaev, me rezultat të ngushtë 13-12.
Kjo fitore e rëndësishme vjen një ditë pas medaljes së parë historike të Shqipërisë, të fituar nga Chermen Valiev, gjithashtu në mundje. Me këto dy medalje, Shqipëria mbyll Lojërat Olimpike të Parisit me sukses të paprecedent.
Kryeministri shqiptar, Edi Rama, shprehu krenarinë e tij për këtë arritje duke inkurajuar shqiptarët që të gëzohen për këtë sukses të madh.
