Nico Williams mbetet objektivi kryesor i Barcelonës për sezonin e ri, dhe tifozët katalanas janë të paduruar për këtë transferim.
Në një intervistë për Diario Sport, Hristo Stoichkov bëri thirrje që bordi i Barcelonës të nënshkruajë me Nico Williams sa më shpejt.
Ish-futbollisti i Barcelonës theksoi se Laporta dhe Deco duhet të veprojnë menjëherë për të siguruar sulmuesin anësor.
“Sa kushton ai? 58 milionë euro? Blije tani. Thjesht duhet ta bësh”, tha Stoichkov.
“Joan Laporta dhe Deco nuk duhet të dyshojnë se ai është një lojtar për klubin”.
“Nico mund të luajë në krahun e majtë, në krahun e djathtë, si një sulmues qendror ose nëntë fals. Ai do të bënte një ndryshim të madh te Barça”, shtoi legjenda e Barcelonës.
Bordi është i vetëdijshëm për talentin e Nicos dhe po ndërmerr hapa për të realizuar këtë lëvizje.
Raportohet se katalanasit kanë bërë një ofertë zyrtare për anësorin e Bilbaos, duke premtuar të paguajnë klauzolën e tij të lirimit prej 58 milionë euro dhe ta regjistrojnë menjëherë në La Liga pas nënshkrimit.
