Operacioni i Policisë së Kosovës në veri të vendit ka përfunduar, ku janë kontrolluar disa objekte të Postës së Serbisë. Si rezultat, nëntë prej tyre janë mbyllur, njoftoi zëvendësdrejtori i policisë për rajonin e veriut, Veton Elshani, në një përgjigje për Klan Kosovën.
Pas konsultimeve me prokurorin, nëntë objekte u mbyllën. Zhvillimi ekonomik duhet të jetë i regjistruar dhe të ketë licencë, dhe këto posta kanë funksionuar ilegalisht deri më tani. Elshani theksoi se nuk ka pasur persona të arrestuar, por në Leshak, gjatë mbylljes së një lokali, dy persona të dehur janë afruar afër policisë dhe janë shoqëruar në stacionin policor.
Operacioni nisi pas informacionit dhe kërkesës nga Autoriteti Rregullativ i Komunikimeve Elektronike dhe Postare, që njoftuan për zhvillimin e aktiviteteve ekonomike të bizneseve të palicensuara dhe të paregjistruara në veri të vendit. Elshani shtoi se këto aktivitete kanë qenë të pranishme në të gjithë Kosovën, por policia ka vepruar si autoritet në veri.
