Kryetari i Komisionit parlamentar për Arsim dhe Shkencë, Enver Hoxhaj, ka thënë në një postim në Facebook se sistemi arsimor në Kosovë ka nevojë për transformim rrënjësor, jo vetëm reformë, duke filluar nga arsimi parashkollor e deri te çdo nivel i arsimit parauniversitar.
Në një tryezë për sfidat dhe prioritetet e arsimit parauniversitar, pjesëmarrësit, deputetë, profesorë universitarë, studiues dhe aktivistë të shoqërisë civile, e cilësuan gjendjen alarmante dhe kërkuan Pakt Kombëtar për Arsimin, formulë të rishikuar të financimit dhe buxhet më të madh.
Ndër prioritetet e diskutuara janë investimet në infrastrukturën shkollore, më shumë vende në çerdhe, shkollimi i plotë ditor, rishikimi i plotë i kurrikulës dhe teksteve, zhvillimi profesional dhe pagat më të larta për mësimdhënësit, forcimi i shkathtësive në lexim, matematikë e shkencë, dhe digjitalizimi. Rezultatet e dobëta në testin PISA u përmendën si shenjë shqetësuese.
Burimi: Bota Sot
