Princi William mori të ardhura të mëdha prej 27 milionë eurosh gjatë vitit 2023 – 2024 nga ‘Duchy of Cornwall’, siç raportojnë disa media.

‘Duchy of Cornwall’ – pasuria që William, 42 vjeç, trashëgoi nga babai i tij, Mbreti Charles III, kur ai erdhi në fron në shtator 2022 – mblodhi një tepricë të shpërndarjes prej 30 milionë eurosh nga investimet e saj.

Së bashku me pasurinë, William iu dha titulli ‘Duka i Cornwall’.

Raportimi zbuloi gjithashtu se William – një tifoz i zjarrtë i futbollit – i është dhënë titulli ‘Mbrojtës i Shoqatës së Futbollit’. Më parë titullin e mbante gjyshja e tij, Mbretëresha Elizabeth II.

Kjo FA mbikëqyr skuadrat e futbollit për meshkuj dhe femra të Anglisë, të futbollit profesionistë, të rinj dhe me aftësi të kufizuara.

Për më tepër, atij i është dhënë autoriteti mbi ‘Shoqatën Bamirëse të Rojeve të Uellsit’ dhe ‘Shoqatën Bujqësore Mbretërore të Cornwall’ dhe u emërua president i ‘Shoqatës Victoria Cross’ dhe ‘George Cross’.

William hoqi dorë nga titulli i presidentit të ‘Fields in Trust’. Kjo është një organizatë që mbron parqet dhe hapësirat e gjelbra në të gjithë Mbretërinë e Bashkuar.

Zyrtarisht, ‘Duchy’ është një pronë private që mbulon William, Kate Middleton dhe tre fëmijët e tyre për “aktivitetet e tyre zyrtare, bamirëse dhe private”.

Pasuria e gjerë vlerësohet në më shumë se një miliard euro dhe u krijua në 1337 nga Mbreti Eduard III për të siguruar fonde për trashëgimtarin e fronit për brezat që do të vijnë.