Kaimana, vajza e këngëtares së njohur Linda Halimi, ka vendosur të ndjekë hapat e nënës së saj në botën e muzikës. Kaimana ka realizuar këngën e saj të parë të titulluar “Make Me Feel”, për të cilën Linda ka ndarë copëza me ndjekësit e saj në Instagram, duke ngjallur entuziazmin e fansave.
Në një postim emocionues, Linda prezantoi Kaimana si “yllin e ri”, duke theksuar se kënga është prodhuar nga vetë ajo. Ajo gjithashtu zbuloi se Kaimana ka studiuar punën e saj për një kohë të gjatë dhe ka shprehur dëshirën për të krijuar një këngë vetë. Kënga pritet të publikohet së shpejti dhe fansat janë duke pritur me padurim debutimin e vogëlushes.
Linda shpreson që ndjekësit do ta mbështesin Kaimanën në këtë hap të parë në karrierën e saj muzikore, duke i uruar suksese të mëtejshme në të ardhmen.
