Uran Ismaili premton transport publik falas për gjithë qytetarët e Prishtinës
Kandidati për kryetar të Prishtinës, Uran Ismaili, është zotuar se gjatë mandatit të tij do të mundësojë transport publik falas për të gjithë banorët e kryeqytetit.
“Kemi me e mundësu transportin publik falas për gjithë banorët e Prishtinës deri në fund të mandatit,” deklaroi ai në një video të publikuar në rrjetet sociale.
Ky zotim është pjesë e planit të tij me 5 zgjidhje për Prishtinën, ku përfshihet edhe zhbllokimi i trafikut – një nga problemet më të mëdha të qytetit.
Sipas Ismailit, që nga viti 2016 nuk është blerë asnjë autobus i ri në Prishtinë, ndërsa shumë lagje vazhdojnë të mbesin të pa mbuluara nga linjat urbane.
Paketa e tij për transportin publik përfshin:
-
100 autobusë të rinj për të mbuluar të gjitha lagjet,
-
Korsi të dedikuara që do të mundësojnë qarkullim çdo 7 minuta,
-
Rinovim të stacioneve me ulëse, ndriçim dhe tabela dixhitale informuese.
Ismaili tha se këto masa do ta kthejnë transportin publik në një shërbim funksional e të besueshëm për të gjithë qytetarët e kryeqytetit.
Videoja e plotë:
