Katër policë të Njësisë Speciale të suspenduar, reagon Sami Hoti
Katër pjesëtarë të Njësisë Speciale të Policisë së Kosovës janë suspenduar nga detyra. Bëhet fjalë për Sami Hotin, Sedat Ramadani, Albert Kuqin dhe Artan Krasniqin.
Njëri prej tyre, Sami Hoti, ka konfirmuar për Indeksonline se ndaj tij tashmë është marrë vendimi për suspendim nga Policia e Kosovës.
Sipas raportimeve, arsyeja e suspendimit lidhet me krijimin e një grupi të mbyllur mes kolegëve, ku pretendohet se janë bërë shaka në lidhje me kryetarin e Kuvendit të Kosovës, Dimal Basha.
Megjithatë, këtë version e ka mohuar Hoti. “Askush nuk është tallur me askënd dhe këto do të vërtetohen më vonë”, tha ai për Indeksonline.
Policia e Kosovës ende nuk ka dalë me një njoftim zyrtar lidhur me këtë rast.
(Burimi: Indeksonline)
