Spektakli i madh “Odeon” sonte u çel me një hyrje të veçantë, kushtuar kujtimit të artistit të ndjerë Shpat Kasapi. Publiku, stafi dhe të ftuarit e mbrëmjes u bashkuan në një moment të rrallë emocionues, ku arti dhe respekti u shndërruan në homazh të sinqertë për figurën e tij.
Hyrja u shoqërua me muzikë dhe pamje arkivore nga momentet më të bukura të karrierës së Kasapit, ndërsa në sallë u ndjenë lotë dhe nostalgji. Naimi dhe Mihrija shprehën admirim për trashëgiminë artistike që ai la pas dhe ndikimin e tij në publikun shqiptar.
“Odeon” vazhdoi më pas me energji, por momenti i hapjes mbeti kulmi emocional i mbrëmjes – një kujtim i fortë se arti e mban të gjallë kujtimin e atyre që kanë lënë gjurmë.
