Microsoft nxjerr në përdorim mjetin e rimëkëmbjes për kompjuterët e prekur nga përditësimi i CrowdStrike
Microsoft ka prezantuar një mjet të ri rimëkëmbjeje për kompjuterët e prekur nga përditësimi i CrowdStrike. Nëse përdoruesit nuk kanë qasje në BitLocker, ata mund të përdorin opsionin e rimëkëmbjes nga Safe Mode, që lejon nisjen e kompjuterit Windows në modalitetin e sigurt.
Sidoqoftë, përdoruesit duhet të identifikohen në pajisje me privilegje të administratorit lokal, sipas mediave të huaja, përcjell Telegrafi. Microsoft thekson se kjo qasje rekomandohet vetëm për pajisjet që nuk janë të koduara.
Për të përdorur mjetin e rimëkëmbjes, disku USB duhet të ketë një hapësirë ruajtëse minimale prej 1 GB dhe maksimale prej 32 GB. Kompjuteri duhet të funksionojë me Windows 64-bit dhe të ketë të paktën 8 GB hapësirë të lirë për të ekzekutuar mjetin e rikuperimit.
Mjeti i ri i rimëkëmbjes i Microsoft synon të rregullojë PC-të dhe serverët me Windows të prekur nga përditësimi i CrowdStrike Falcon Sensor.
