Hisni Ibishi dhe Bujar Ibishi janë arrestuar nga policia për dyshimin e vrasjes së Ismet Ibishit, një anëtar i familjes së tyre. Ngjarja tragjike ndodhi në një kafene afër sheshit në Skënderaj.
Sipas burimeve të gazetës *Insajderi*, të dy të dyshuarit dhe viktima nuk kishin pasur kontakt për disa vite. Ngjarja u shkaktua kur Hisni dhe Bujar Ibishi, të cilët kishin ardhur nga Anglia, hynë në kafenenë ku Ismet ndodhej me shokët e tij. Pas një përleshjeje, u shkrepën të shtëna me armë, duke rezultuar në vrasjen e Ismet Ibishit, 42 vjeç.
Burimet pranë familjes së viktimës kanë theksuar se Hisni Ibishi kishte qenë i raportuar disa herë në polici për sjellje problematike. Një anëtar i familjes deklaroi: *“Kjo nuk ka qenë një vrasje për pasuri. Të dyshuarit janë të njohur si persona problematikë dhe kanë një histori të kanosjeve. Ata janë raportuar në polici shumë herë.”
