Një person i nacionalitetit serb është arrestuar sot në pjesën veriore të Mitrovicës.
Zëvendësdrejtori i Policisë së Kosovës për rajonin e veriut, Veton Elshani, ka konfirmuar për Reporteri se Policia e Veriut ka asistuar Departamentin e Krimeve të Rënda gjatë arrestimit të të dyshuarit.
Personi i arrestuar akuzohet për përfshirje në trazirat e 29 majit 2024 në Zveçan, ku mbetën të lënduar 93 ushtarë të KFOR-it.
“Rreth orës 11:00 kemi asistuar Krimet e Rënda të Prishtinës në arrestimin e një personi në Mitrovicën e Veriut. I njëjti dyshohet për rastin e 29 majit 2024, ku 93 ushtarë të KFOR-it u lënduan,” deklaroi Elshani.
